மாம்பழமா? ரணகளமா?– அப்பாவா? மகனா?

🥭 நீதிமன்றத்தில் வெடித்தது பாமக போர்! ⚖️🔥

⚖️ களம்: சென்னை உயர் நீதிமன்றம் & டெல்லி உயர் நீதிமன்றம்.

🥭 பொருள்: ‘மாம்பழம்’ சின்னம்.

🥊 மோதல்: ராமதாஸ் Vs அன்புமணி.

⏳ கிளைமாக்ஸ்: 3 வார கெடு!

“பாசமலர்” படம் பார்த்திருப்போம். அண்ணன்-தங்கை பாசத்தைப் பார்த்து அழுதிருப்போம். ஆனால், தமிழக அரசியலில் இப்போது ஓடிக்கொண்டிருப்பது “தேவர் மகன்” உல்டா வெர்ஷன்! தந்தைக்கும் மகனுக்கும் இடையே நடக்கும் இந்த அதிகார யுத்தம், பாமக எனும் விருட்சத்தையே ஆட்டம் காண வைத்திருக்கிறது.

ஒரு காலத்தில், “என் பையன்… என் ரத்தம்…” என்று பெருமை பொங்கச் சொன்ன மருத்துவர் ராமதாஸ், இன்று “என் கட்சியை அபகரித்த நபர்” என்று சொந்த மகனையே நீதிமன்றக் கூண்டில் ஏற்றியிருப்பது அரசியலின் உச்சகட்ட சோகம்!

🏠 உறவா? உரிமையா?

கடந்த ஒரு வருடமாகவே தைலாபுரம் தோட்டம் அமைதியை இழந்து தவிக்கிறது. அன்புமணி ஒரு தனித் தீவு; ராமதாஸ் ஒரு தனித் தீவு. “நான் தான் இனி எல்லாம்” என்று அன்புமணி வேகம் காட்ட, “நான் நட்ட மரம்டா இது” என்று ராமதாஸ் விஸ்வரூபம் எடுக்க, மோதல் முற்றியது.

ராமதாஸின் குற்றச்சாட்டு:

“தலைவர் பதவிக்காலம் முடிந்தும், போலி ஆவணங்களைக் காட்டி, அன்புமணியே தன்னைத் தலைவராக அறிவித்துக் கொண்டார். தேர்தல் ஆணையமும் அதை எப்படி ஏற்றுக்கொண்டது? என் கையெழுத்து இல்லாமல் எப்படி சின்னத்தை அவருக்கு ஒதுக்கினீர்கள்?”

⚖️ சென்னை உயர் நீதிமன்றத்தில் ‘செக்’!

இந்த விவகாரம் சென்னை உயர் நீதிமன்றத் தலைமை நீதிபதி எம்.எம்.ஸ்ரீவஸ்தவா அமர்வுக்கு வந்தது. வாதங்கள் அனல் பறந்தன.

👨‍⚖️ நீதிபதி கேள்வி: “ஒரு பெரிய கட்சியின் நிறுவனர் இப்படி ஒரு குற்றச்சாட்டை வைக்கும்போது, தேர்தல் ஆணையம் ஏன் அமைதியாக இருந்தது?”
📜 உத்தரவு: “தேர்தல் ஆணையமே… 3 வாரம்தான் டைம்! அதுக்குள்ள இந்த மாம்பழம் சின்னத்தை எப்படி அன்புமணிக்குக் கொடுத்தீங்கன்னு விளக்கம் அளிக்கணும்!”
🚫 அன்புமணிக்கு ‘நோ’: “யுவர் ஹானர்… எங்களையும் சேர்த்துக்கோங்க” என்று கேட்டபோது, “நோ… இது ராமதாஸுக்கும் தேர்தல் ஆணையத்துக்குமான வழக்கு. நீங்க ஓரமா நில்லுங்க” என்று நிராகரித்துவிட்டனர்.

🏛️ டெல்லியில் ஒலித்த எச்சரிக்கை மணி!

தேர்தல் ஆணையம் சொன்ன பதில், பாமக தொண்டர்களின் வயிற்றில் புளியைக் கரைத்துள்ளது.

தேர்தல் ஆணையம் எச்சரிக்கை: “மை லார்ட்… இவங்க ரெண்டு பேரும் இப்படியே சண்டை போட்டுட்டு இருந்தா, தேர்தல் நேரத்தில் வேட்பாளர் படிவத்தில் (Form A & B) யார் கையெழுத்து போடுறதுன்னு குழப்பம் வரும். அப்படி வந்தா… நாங்க ‘மாம்பழம்’ சின்னத்தையே முடக்கி வச்சிருவோம்!“

🥭அழுகும் மாம்பழம்?

வன்னியர் குலத்துச் சிங்கம், வளர்த்தெடுத்த தோப்பு!
தந்தை மகன் சண்டையிலே, தவிக்குது பார்ப்பு!
மாம்பழம் சின்னம் கேட்டு, மன்றத்தில் வழக்கு!
உறவுகள் பிரிந்ததனால், உடையுது பார் கிழக்கு!
முடங்கிடுமா சின்னம்? முறியுமா இந்த எண்ணம்?
காலம் சொல்லும் பதில், காத்திருக்குது மதில்! 🏚️

🎙️ தராசு சியாம் சொல்லும் உண்மை

மூத்த பத்திரிகையாளர் தராசு சியாம் இந்த விவகாரத்தை மிகத் தெளிவாக அலசுகிறார்:

“தேர்தல் ஆணையம் ஆரம்பத்திலிருந்தே தப்பு பண்ணுது. ராமதாஸ் தரப்பைக் கூப்பிட்டு விசாரிக்காமலேயே, அன்புமணி கொடுத்த பேப்பரை வச்சு முடிவு பண்ணிட்டாங்க. இப்படியே போனா, 2026 எலக்‌ஷன்ல பாமக-வுக்கு மாம்பழம் கிடைக்காது. சின்னம் முடக்கப்படவே அதிக வாய்ப்பு இருக்கு.“

📢 ஜந்தர் மந்தரில் போர்க்குரல்!

டெல்லியில் ராமதாஸ் தரப்பு சும்மா இருக்கவில்லை. ஜந்தர் மந்தரில், ஜி.கே.மணி, ஸ்ரீகாந்தி ராமதாஸ் உள்ளிட்டோர் திரண்டு நின்று, “தேர்தல் ஆணையமே… நியாயம் வழங்கு!” என்று முழக்கமிட்டனர். இது அன்புமணிக்கு எதிரான நேரடி யுத்தம்.