தனிமரம் ஆன ராமதாஸ்... கதவை சாத்திய திமுக, அதிமுக!

🥭 “தளபதி பக்கம் திரும்பிய மாம்பழம்?” – தமிழக அரசியலில் ஒரு ‘மெகா’ க்ளைமாக்ஸ்! 🎬

📍 களம்: சென்னை, அரசியல் தலைமையகங்கள்.

🗳️ சூழல்: 2026 தேர்தலுக்கான ‘சீட்’ வேட்டை.

👥 கதாநாயகர்கள்: ராமதாஸ், விஜய், திருமாவளவன், அன்புமணி, எடப்பாடி பழனிசாமி.

🎭 துனை பாத்திரங்கள்: செங்கோட்டையன், டிடிவி தினகரன்.

தமிழக அரசியல் திரைக்கதையில் இப்போது ஓடிக்கொண்டிருப்பது உச்சக்கட்டக் காட்சி. “எந்தப் பக்கம் சாய்வது?” என்று தெரியாமல் பாமக நிறுவனர் ராமதாஸ் திண்டாடிக் கொண்டிருக்க, திமுகவும் அதிமுகவும் கதவைச் சாத்திவிட்டன. இதனால், வேறு வழியில்லாமல் விஜய்யின் தவெக வாசலைத் தட்டத் தொடங்கியிருக்கிறது ராமதாஸ் தரப்பு.

😲 அறிவாலயத்தில் அதிர்ச்சி

திமுக பக்கம் எப்படியாவது உள்ளே நுழைந்துவிடலாம் என்று ராமதாஸ் தரப்பு கணக்குப் போட்டது. “விட்டமின் எம்” (பணம்) கொடுக்கவும் திமுக தயாராகத்தான் இருந்தது. ஆனால், அங்கே ஒரு பெரும் தடைக்கல் இருந்தது. அதுதான் விசிக தலைவர் திருமாவளவன்!

🗣️ திருமாவளவன் : “14 வருஷத்துக்கு முன்னாடி எடுத்த முடிவு பாஸ் இது… அப்பவும் நோ என்ட்ரி… இப்பவும் நோ என்ட்ரி! பாமக உள்ள வந்தா, நான் வெளிய போயிட்டே இருப்பேன்!”

ஆம், 14 ஆண்டுகளுக்கு முன் எடுத்த முடிவில் எந்த மாற்றமும் இல்லை என்று திருமாவளவன் தீர்க்கமாகச் சொல்லிவிட்டார். திருமாவளவனின் இந்த எதிர்ப்பால், திமுக கூட்டணிக்குள் பாமகவால் நுழைய முடியவில்லை.

👨‍👦 அதிமுகவில் அரங்கேறிய ‘மகன்’ பாசம்?

சரி, திமுக தான் வேண்டாம் என்கிறது, பழைய நண்பன் அதிமுக பக்கம் போவோம் என்று பார்த்தால், அங்கே காத்திருந்தது மிகப்பெரிய ட்விஸ்ட். அதிமுக கூட்டணியில் ஏற்கனவே ஐக்கியமாகி இருக்கும் அன்புமணி ராமதாஸ், “ராமதாஸ் அணியைச் சேர்க்கக் கூடாது” என்று முட்டுக்கட்டை போடுகிறார்.

சொந்த மகனே (அல்லது கட்சியைச் சேர்ந்தவரே) இப்படிச் சொன்னால் எடப்பாடி பழனிசாமி என்ன செய்வார்? அவரும் அப்படியே “சைலண்ட் மோடுக்கு” போய்விட்டார்.

💔 ராமதாஸ் : “பெத்த மனம் பித்து… பிள்ளை மனம் கல்லுன்னு சும்மாவா சொன்னாங்க!”

🚩 கடைசி நம்பிக்கை ‘தளபதி’

திமுகவும் கைவிட்டது, அதிமுகவும் கைவிரித்தது. இப்போது நடுக்கடலில் தத்தளிக்கும் கப்பல் போல ராமதாஸ் அணி நிற்கிறது. இந்த நேரத்தில்தான், அவர்களின் பார்வை விஜய்யின் தமிழக வெற்றிக் கழகத்தின் (தவெக) பக்கம் திரும்பியிருக்கிறது.

இந்தக் கூட்டணிப் பேச்சுவார்த்தையை நடத்தத் தேர்வு செய்யப்பட்டிருக்கும் ‘தூதுவன்’ – செங்கோட்டையன்!.

ஏற்கனவே டிடிவி தினகரன், ஓபிஎஸ் ஆகியோரிடம் செங்கோட்டையன் மூலமாகத்தான் பேச்சுவார்த்தை நடந்தது. ஆனால், கடைசி நேரத்தில் டிடிவி தினகரன் “டாட்டா” காட்டிவிட்டு என்டிஏ (NDA) கூட்டணிக்குப் போய்விட்டார். இதனால் தவெக தொண்டர்கள் சோகத்தில் ஆழ்ந்துள்ளனர்.

🤔 விஜய்யின் வியூகம் ?

ராமதாஸ் தரப்பு இப்படி ஆசைப்பட்டாலும், தளபதி விஜய்யின் மனநிலை வேறாக இருக்கிறது. செயல்வீரர்கள் கூட்டத்தில் அவர் போட்ட பிளான் என்ன தெரியுமா? “தனித்து ஆடுவோம்!” என்பதுதான்.

🔥 விஜய் : “கூட்டணி வச்சு ஜெயிக்கிறது அரசியல்… தனிச்சு நின்னு ஜெயிக்கிறது சரித்திரம்! நான் சரித்திரம் படைக்க வந்தவன்!”

விஜய் தனித்துத் தான் களமிறங்குவார் என்பது கிட்டத்தட்ட உறுதியாகிவிட்ட நிலையில், ராமதாஸ் தரப்பின் இந்த முயற்சி பலிக்குமா என்பது சந்தேகமே.