🐂  தமிழக அரசின் மாஸ் அறிவிப்பு! 📢

மதுரை அலங்காநல்லூரில் கலைஞர் நூற்றாண்டு ஏறுதழுவுதல் அரங்கத்தில் ஜல்லிக்கட்டுப் போட்டிகளைப் பார்த்த கையோடு, முதல்வர் மு.க.ஸ்டாலின் ஒரு அதிரடி முடிவெடுத்திருக்கிறார். ஜல்லிக்கட்டுப் போட்டிகளைச் சிரமமில்லாமல் நடத்துவதற்காக, மூன்று முக்கியமான விதிகளில் தளர்வுகளை அறிவித்துள்ளது தமிழக அரசு.

🚩 1. லோக்கல் வீரர்களுக்கு முன்னுரிமை

முன்பெல்லாம் ஆன்லைன் பதிவு முறையில் சில சிக்கல்கள் இருந்தன. உள்ளூர் காளைகளும், வீரர்களும் விடுபட்டுப் போவதாகப் புகார்கள் எழுந்தன. இனிமேல் அந்த கவலை வேண்டாம். அந்தந்த மாவட்ட அளவிலேயே முடிவு செய்துகொள்ளும் வகையில் ஆன்லைன் பதிவு முறையில் மாற்றம் செய்யப்படும் என்று அறிவிக்கப்பட்டுள்ளது.

🏥 2. இன்சூரன்ஸ் டென்ஷன் இல்லை

போட்டிகளின் போது மாடுபிடி வீரர்களுக்கு ஆயுள் காப்பீடு கட்டாயம் என்ற ஒரு விதி இருந்தது. ஆனால், ஏதாவது அசம்பாவிதம் நடந்தால் அரசே நிவாரணம் வழங்கி வருகிறது. அதனால், இனிமேல் இந்த ஆயுள் காப்பீடு கட்டாயம் என்ற விதியில் தளர்வு அளிக்கப்படும் என்று சொல்லப்பட்டுள்ளது.

📝 3. பேப்பர் வேலை குறைப்பு

ஜல்லிக்கட்டு நடத்துபவர்கள், முத்திரைத் தாளில் உறுதிமொழிப் பத்திரம் எழுதிக் கொடுக்க வேண்டும் என்ற நடைமுறை இருந்தது. இனிமேல் அந்தத் தலைவலியும் இல்லை. அந்த நடைமுறையையும் ரத்து செய்து உத்தரவிட்டுள்ளது அரசு.