வணக்கம் மக்களே!

சினிமா உலகத்துல “நான் கடவுள்” ரேஞ்சுக்கு ஒரு டைரக்டர கொண்டாடுறோம்னா அது நம்ம கிறிஸ்டோபர் நோலன் தான். “டைம் டிராவல்”, “கனவுக்குள்ள கனவு”, “அணுகுண்டு அரசியல்”னு மனுஷன் சயின்ஸ் வச்சு சடுகுடு ஆடிட்டு இருந்தாரு. ஆனா இப்போ? “போதும்டா சாமி இந்த சயின்ஸ் எல்லாம், நான் சாமியவே  நேர்ல இறக்குறேன்”னு சொல்லி, ஒரு பழைய புராணக் கதைய கையில எடுத்திருக்காரு. அதுதான் “தி ஒடிஸி” (The Odyssey).

இந்த படத்தோட டிரெய்லர், காஸ்ட், மேக்கிங்னு வெளியான தகவல்கள் எல்லாம் கேக்கும்போதே, “தலைவா நீங்க வேற லெவல்”னு சொல்ல வைக்குது. யுனிவர்சல் பிக்சர்ஸ் தயாரிப்புல, சுமார் 250 மில்லியன் டாலர் பட்ஜெட்ல (நம்ம ஊரு காசுக்கு கணக்கு போட்டா கால்குலேட்டர்ல இடம் பத்தாது!), நோலன் செதுக்கிட்டு இருக்கிற இந்த காவியத்த பத்திதான் இன்னைக்கு நாம இந்த “மாஸ்” அலசல்ல பார்க்க போறோம்.

என்ன கதை? இது என்ன புது டிரெண்ட்?

இது புதுக்கதை இல்ல பாஸ், ரொம்ப ரொம்ப பழசு. ஹோமர் எழுதின கிரேக்க காவியமான ‘ஒடிஸி’ய தழுவிதான் இந்த படம் வருது. ட்ரோஜன் போர் (Trojan War) முடிஞ்சதுக்கு அப்புறம், இத்தாக்கா  நாட்டோட அரசன் ஒடிசியஸ் (Odysseus), தன்னோட வீட்டுக்குத் திரும்பி போறதுக்கு படுற பாடுதான் கதை.

வழக்கமா நோலன் படங்கள்னா மூளைய கசக்கி பிழியணும். ஆனா, இந்த முறை அவர் கையில எடுத்திருக்கிறது ஒரு அட்வென்ச்சர் ஃபேண்டஸி. ஆனா அதுக்காக இது சும்மா மந்திர தந்திர கதையா இருக்குமா? வாய்ப்பே இல்ல! நோலன் தன்னோட டிரேட்மார்க் “ரியலிசம்” கலந்த ஒரு பிரம்மாண்டமான ஃபேண்டஸிய கொடுக்க போறாருன்னு டிரெய்லர் பார்த்தாலே தெரியுது.

நட்சத்திர பட்டாளம்: இது ஹாலிவுட் ஆல்-ஸ்டார்ஸ் டீம்!

படத்தோட காஸ்டிங் லிஸ்ட்ட பார்த்தா, சும்மா “அவெஞ்சர்ஸ்” ரேஞ்சுக்கு ஆளுங்க இருக்காங்க. ஒவ்வொருத்தர பத்தியும் தனித்தனியா பாப்போம்.

டிரெய்லர் அலசல்: விஷுவல் விருந்து!

சமீபத்துல ரிலீஸ் ஆன டிரெய்லர் பத்தி சொல்லியே ஆகணும். ஆரம்பமே ஒரு போர்க்களத்தோட உக்கிரம். ட்ராய் நகரத்தையே எரிச்சுட்டு, ஒடிசியஸ் தன்னோட வீரர்களை கூட்டிக்கிட்டு கிளம்புறாரு.

கடல் பயணம் & மான்ஸ்டர்ஸ்: நடுக்கடல்ல கப்பல் கவுந்து போற காட்சிகள், இருட்டு குகைக்குள்ள ஏதோ ஒரு பெரிய உருவம் நகர்ற நிழல் (அது சைக்ளாப்ஸ் எனும் ஒற்றைக்கண் அரக்கனா இருக்கலாம்!), இதெல்லாம் பாக்கும்போது இது வெறும் சரித்திர படம் இல்ல, ஒரு திகில் கலந்த ஆக்ஷன் படம்னு புரியுது.

நோலன் படத்துல டயலாக் கம்மியா தான் இருக்கும், விஷுவல்ஸ் தான் பேசும். இந்த டிரெய்லர்லயும் அதேதான். அலைகளோட சத்தம், போர் வாள்களோட சத்தம், பின்னணியில லுட்விக் கோரன்சனோட  இசை… மனுஷன் இசையிலயே பாதி கதைய சொல்லிட்டாரு.

நோலனின் “கிரவுண்டட்” அப்ரோச் vs ஃபேண்டஸி

இங்கதான் ஒரு பெரிய கேள்வி இருக்கு. நோலன் எப்போதுமே லாஜிக் பேசற ஆளு. ஆனா ஒடிஸி கதை முழுக்க மேஜிக், கடவுள், சாபம்னு இருக்கும். இத நோலன் எப்படி டீல் பண்ணுவாரு?

கிடைச்ச தகவலின்படி, அவர் ரொம்பவும் “சூப்பர் நேச்சுரல்” விஷயங்களை, முடிஞ்ச வரைக்கும் “நேச்சுரல் டிசாஸ்டர்” (இயற்கை சீற்றம்) மாதிரி காட்ட போறாராம். உதாரணத்துக்கு, கடல் கடவுள் போஸிடான் கோவப்படுறாருன்னா, ஒரு பெரிய சுனாமி வர மாதிரி காட்டலாம். அதே சமயம், ஜெண்டாயா பண்ற அதீனா கேரக்டரை ஒரு அமானுஷ்ய சக்தியா காட்டாம, கொஞ்சம் ரியலிஸ்டிக்கா, ஆனா பவர்ஃபுல்லா காட்ட வாய்ப்பு இருக்கு.

டெக்னிக்கல் விஷயங்கள் – பிரம்மாண்டத்தின் உச்சம்

• ஐமேக்ஸ் : வழக்கம் போல நோலன் ஐமேக்ஸ் கேமராவை தூக்கிட்டு கிளம்பிட்டாரு. இந்த முறை முழுக்க முழுக்க புதிய IMAX 70mm ஃபார்மேட்ல ஷூட் பண்ணிருக்காராம். அதாவது, தியேட்டர் ஸ்கிரீன் முழுக்க படம் தெரியும். “2 மில்லியன் அடி நீளத்துக்கு ஃபிலிம் ரோல்” செலவாயிருக்குனு சொல்றாங்க. அடேங்கப்பா!
• லொகேஷன்ஸ்: மொராக்கோ, கிரீஸ், இத்தாலி, ஸ்காட்லாந்துனு உலகம் முழுக்க சுத்தி சுத்தி எடுத்துருக்காங்க. கிராபிக்ஸ்ல காட்டுறதுக்கு பதிலா, ஒரிஜினல் இடத்துல போய் அந்த ஃபீல கொண்டு வந்திருக்காங்க.
• இசை: ஹான்ஸ் ஜிம்மர் இல்லனாலும், ‘ஓப்பன்ஹெய்மர்’ ஆஸ்கர் வின்னர் லுட்விக் கோரன்சன் இசை அமைக்கிறாரு. கண்டிப்பா பின்னணி இசைல  நம்ம காது ஜவ்வு கிழியாம, அதே சமயம் மனசுக்குள்ள இறங்குற மாதிரி ஏதோ பெருசா பிளான் பண்ணிருக்காங்க.

ரிலீஸ் எப்போ? காத்திருப்பு சுகமானது!

என்னடா இது, இன்னும் ஒன்றரை வருஷம் இருக்கேனு கவலைப்படாதீங்க. அதுக்கு முன்னாடி, டிசம்பர் 2025ல வரப்போற ‘அவதார்: ஃபயர் அண்ட் ஆஷ்’  படத்தோட இன்டர்வல்லயோ இல்ல அதுக்கு முன்னாடியோ இந்த படத்தோட 5 நிமிஷ புட்டேஜ்  ரிலீஸ் ஆக வாய்ப்பு இருக்கு.

அவதார் படமே ஒரு திருவிழா மாதிரி, அதுக்கு முன்னாடி நோலன் படத்தோட டிரெய்லர் வருதுன்னா, தியேட்டர்ல விசில சத்தம் கூரையை பிச்சிக்கிட்டு போகும்.